'A Mucciatedda

Quannu faciunu u pani 'mpastatu ntà maidda nui carusiddazzi giucaumu à mucciatedda.

Bastava un mossu i muru lisciu 'ntà nà vinedda chi si facia a cunta tutta idda pi idda.

Quanti cù mia giucavunu non nni mancava unu prima cuntava trenta e dopu lu trentunu

Ora “A cù vidu vidu!” e cu la ricchi scutu pì sentiri u rumuru di chiddu chi è 'mmucciatu

Vidu ddu peti ò rittu d'arreti du carrettu mi staju un mossu mutu e dopu: libbira a Cuncettu!