Tempu di cudduri

Passaru i pammi ca fogghia da luvara chi ogni carusu i tannu ti pensa gia a cuddura; l'ova chiu' rossi sciglia la massara e li mpanava ca pasta a para a para!

Cu la facia di la pasta i pani e cu ci mintia u zuccuru pi li palati boni, mentri pu zitu e a zita si facia un casteddu ma quantu ova agneddu e a sorrpresa aneddu!

Spassu fu pi carusi aviunu u manicheddu 'ntrizzatu tunnu tunnu e supra all'ova n'aceddu poi na ciusciata i zuccuru a pallini culurati e caricati i preju ti inchiunu i strati.

Si spittava a "Gloria" cu sonu di campani ognunu i nui ca cuddura e mani picchi a menzionnu du Sabutu era la so ura mentre ittaumu all'aria ogni cuddura!

Si rumpiu a milli 'mmossa cu Signuruzzu lassau la fossa; si nn'annau 'nte jauti celi mentri dicemu Gloria tutti i fedeli !