Natali 'i na vota

Natali ‘i na vota non tu poi ricuddari ma tantu lu friddu chi nni facìa ‘ttassari!

L’antinnammari di nivi era china du Ibbusu a vidivi e puru ‘i Missina; Mancu briscìa chi sunava a campana: “Annamuninni chi ‘ncumincia ‘a Nuveva”

Tannu ‘a Nuvena si facia i matina picchi dopu s’avia ‘nnari a rumpiri a schina: cu avia u ‘mpiegu cu trenu pi Missina o ‘nta robba li viddani ogni matina

Japria i potti Don Petru u scacristanu e ccu na giacca i peddi si ‘ccucciava lu parrinu du celu scinnìa jancu u cuttuneddu e u friddu tu sintia puru u canceddu!

I nonni arreti a potta già prima i matinu ‘nte mani na figuredda du “Bamminu” e un palittuni ‘i bracia misa ‘nto scaldinu ‘nta chesa su puttaunu pi coddiari l’anchi picchi na lastra i ghiacciu erunu i banchi!

Da ciaramedda u sonu niscia quagghiatu a pezzu chista la virità e non vi sghezzu; U friddu di lu ‘nvernu nni facia trimari, ma caudda era a fidi, nni coddiava u cori!

Pippo Bonaccorso